ಪ್ರೇಮಿಯೆಂಬ ಜಂಬ

 ಮರಳಿದ ಮನಸೇ 

ನಿನ್ನ ಕನಸಿಗೆ, ಕೊಡಲಾರೆ 

ತುಸು ಜಾಗವ 

ಎಲ್ಲವು ಹೊತ್ತೋಯ್ದ ನೀನು 

ಬರಿ ಕನಸ ತಂದರೆ, ಕಟ್ಟಲಾರೆ 

ಪ್ರೀತಿ ಗೋಪುರವ

ಇನ್ನುಳಿದಿರುವುದು ನಾನು 

ಮತ್ತೆ ಅವಳ ನೆನಪು, ಮರಯಲಾರೆ 

ಅವಳು ಬಿಟ್ಟು ಹೋದ ಆ ಕ್ಷಣವ 

ಬದುಕಲು ತುಸು ಕಷ್ಟ 

ಆದರು ಪ್ರೇಮಿಯೆಂಬ ಜಂಬ, ಸಾಲದೇ 

ಬದುಕಲು ಈ ಜಂಬವ?

ಕಾಯುತಿರುವೆ ನಿನಗಾಗಿ......

 ಸಿಗದ ಪ್ರೀತಿಯ ಕಡೆಗೆ

ಸಾಗುತಿದೆ ನನ್ನೊಲವಿನ ಪಯಣ....
ಮರೆಯಲಾಗದ ಆ ಕ್ಷಣಗಳಿಗೆ
ಸೋತಿದೆ ನನ್ನ ಈ ಮನ....

ಸುತ್ತಲು ಸುಳಿಯುವ ನೆನಪುಗಳಿಗೆ
ಶರಣಾಗಿದೆ ನನ್ನ ಒಂಟಿತನ....
ನೀ ಬಿಟ್ಟು ಹೋದ ಕನಸುಗಳಿಗೆ
ಅರ್ಪಿಥವಾಗಿದೆ ನನ್ನ ಈ ನಯನ....

ನೀ ದೂರಾದ ಹಾದಿಯಲ್ಲಿ
ಮೌನದಿ ಸಾಗಿದೆ ಜೀವನ....
ನೀ ಬರುವ ದಾರಿಯ
ಕಾಯುತ ಕುಳಿತಿದೆ ಈ ಪ್ರಾಣ....

ಹೇಗೆ..??

ಮೌನಕೆ ಸೆರೆಯಾದ

ಮಧುರ ಮಾತುಗಳ ಅರ್ಥ

ನಿನಗೆ ಹೇಳಲಿ ನಾ ಹೇಗೆ..??

ಎದೆಯಾಳದ ಬಡಿತದ

ಆ ಸುಂದರ ಭಾವನೆಗಳ

ನಿನಗೆ ತಿಳಿಸಲಿ ನಾ ಹೇಗೆ..??

ಕಣ್ಣುಗಳು ಕಟ್ಟಿದ

ಆ ಕನಸುಗಳ ಕೋಟೆಯಲಿ

ನಿನ್ನನು ನಿನಗೆ ತೋರಿಸಲಿ ನಾ ಹೇಗೆ..??

ಮನಸಿನ ನೋವನ್ನು

ನಿನ್ನ ನೆನಪಲ್ಲಿ ಮರೆಯುತ

ನಗುತ ಮುಂದೆ ಸಾಗಲಿ ನಾ ಹೇಗೆ..??

ನೆನಪು....

 ನೆನಪಾಗುವುದು ನಿನ್ನ ಸವಿ ಸ್ಪರ್ಶ

ಈ ತಂಗಾಳಿ ಸೋಕಿದಾಗ.....

ನೆನಪಾಗುವುದು ನಿನ್ನ ಕಣ್ಣುಗಳು

ಆ ಚುಕ್ಕಿಗಳ ನಾ ನೋಡಿದಾಗ.....

ನೆನಪಾಗುವುದು ನಿನ್ನ ನಗುವು

ಅರಳುವ ಹೂವನ್ನು ನೋಡಿದಾಗ.....

ನೆನಪಾಗುವುದು ನಿನ್ನ ತುಂಟ ತನ

ಪುಟ್ಟ ಮಗುವನ್ನು ನೋಡಿದಾಗ.....

ನೆನಪಾಗುವದು ಆ ಕ್ಷಣಗಳು

ಪ್ರತಿಸಾರಿ ಈ ಹೃದಯ ಮಿಡಿದಾಗ.....

ಜೊತೆಯಾಗುವುದು ನಿನ್ನ ನೆನಪುಗಳು

ಒಂಟಿಯಾಗಿ ಜೀವನದಲ್ಲಿ ನಾ ಸಾಗುವಾಗ.....